အပ်ကားရှားပါးလာခြင်းကြောင့် ရန်ကုန်လိုင်စင်စလစ်ဈေး ထပ်မံမြင့်တက်သွားကြောင်း ကားလုပ်ငန်းရှင်များ ထံမှ သိရပါတယ်။

မြန်မာနိုင်ငံအတွင်း COVID- 19 ရောဂါကူးစက်ဖြစ်ပွားမှုကို ထိန်းချုပ်နိုင် ရေး ဆောင်ရွက်ရာတွင် နိုင်ငံတကာမှ လေကြောင်းခရီးစဉ်များဖြင့် ခရီးသည် များ ဝင်ရောက်လာမှုကို ကန့်သတ်ထိန်းချုပ်နိုင်ရေးမှာ များစွာအရေးပါသဖြင့် ကျန်းမာရေးနှင့် အားကစားဝန်ကြီးဌာနက (၂၉-၃-၂၀၂၀) ရက်နေ့တွင် ထုတ်ပြန်ခဲ့သော နိုင်ငံတကာခရီးသည်တင် လေကြောင်းခရီးစဉ်များ မြန်မာ နိုင်ငံသို့ ပျံသန်းဆင်းသက်ခြင်းကို ယာယီကန့်သတ်ခြင်းဆိုင်ရာ ညွှန်ကြားချက် (Temporary Measures to Prevent Importation of COVID-19 to Myanmar through Air Travel) ၏ သက်ရောက်မှုကာလကို COVID-19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီ၏ ခွင့်ပြုချက်ဖြင့် (၃၁-၁၀-၂၀၂၀) ရက်နေ့၊ မြန်မာစံတော်ချိန် (၂၃:၅၉) နာရီအထိ တိုးမြှင့်သတ်မှတ်ခဲ့ပါသည်။ ပြည်ပရောက် မြန်မာနိုင်ငံသားများ ပြန်လည်ဝင်ရောက်ရေးနှင့် နိုင်ငံ တော်နှင့် ပြည်တွင်း/ ပြည်ပအဖွဲ့အစည်းများ၏ အမှန်တကယ်လုပ်ငန်း လိုအပ်ချက်အရ နိုင်ငံခြားသားများ မြန်မာနိုင်ငံသို့ လာရောက်ရေးကို နိုင်ငံခြားရေး ဝန်ကြီးဌာန၏ ညှိနှိုင်းမှုဖြင့် ကျန်းမာရေးနှင့်အားကစားဝန်ကြီးဌာန၏ သတ်မှတ်ချက်များနှင့်အညီ လက်ရှိဆောင်ရွက်နေသည့် လုပ်ငန်းစဉ် များအတိုင်း ဆက်လက်ဆောင်ရွက်နိုင်ရန် COVID-19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ခွင့်ပြုချက်ဖြင့် Temporary Measures သက်ရောက်မှုကာလကို(၃၀-၁၁-၂၀၂၀)ရက်နေ့၊ မြန်မာစံတော်ချိန် (၂၃:၅၉) နာရီအထိထပ်မံတိုးမြှင့်သတ်မှတ်လိုက်ကြောင်းအသိပေးထုတ်ပြန်အပ်ပါသည်။ ပို့ဆောင်ရေးနှင့် ဆက်သွယ်ရေးဝန်ကြီးဌာန

အပြည်ပြည်ဆိုင်ရာ မြန်မာလေကြောင်းလိုင်း (MAI) မှ ပြည်တွင်းခရီးစဉ် များ ပျံသန်းပြေးဆွဲရန် မှာယူထားသည့် Embraer E 190-100 LR XY-ALO လေယာဉ်အသစ်သည် ၂၀၂၀ အောက်တိုဘာ ၂၆ ရက် နံနက်ပိုင်းက ရန်ကုန်အပြည်ပြည် ဆိုင်ရာလေဆိပ်သို့ ရောက်ရှိလာသည်။ အဆိုပါလေယာဉ်သစ်ကို အပြည်ပြည် ဆိုင်ရာ မြန်မာလေကြောင်းလိုင်းမှ တာဝန်ရှိသူများက Water-salute အခမ်း အနားပြုလုပ်၍ ကြိုဆိုခဲ့သည်။

ဂျပန်နိုင်ငံရှိ တန်ဖိုးနည်းလေကြောင်း လိုင်းဖြစ်သည့် ဇစ်ပ်အဲတိုကျို လေကြောင်းလိုင်းသည် ၎င်း၏ အပြည်ပြည်ဆိုင်ရာ ပျံသန်းမှု ခရီးစဉ်များကို တိုးချဲ့ရန်အတွက် လေယာဉ်အမှုထမ်းများကို ပိုမို ငှားရမ်းသွားရန် အစီအစဉ်ရှိသည်ဟု သိရသည်။