Warehouse

Bonded Warehouse ဆိုသည်နှင့် ယင်း၏အကျိုးကျေးဇူးများ

Bonded Warehouse ဆိုသည်နှင့် ယင်း၏အကျိုးကျေးဇူးများ google

Bonded warehouse ဆိုတာက နားလည်လွယ်အောင်ပြောရရင်တော့ အကောက်ခွန်နဲ့သတ်မှတ်ထားတဲ့ပစ္စည်းတစ်ခု ကိုသွင်းလာမယ် warehouse ထဲကိုထည့်မယ်၊ ထူးခြားတာကအခွန်ပေးစရာမလိုသေးဘူး။ ရောင်းတော့မှသာ အခုဘယ် လောက်ရောင်းလိုက်ရပြီဆိုပြီး အခွန်ဆောင်ရမှာပဲဖြစ်ပါတယ်။ ဒီတော့ချက်ခြင်းအခွန်တန်းဆောင်စရာမလိုပဲ ပစ္စည်းအ တွက်ရင်းရမယ့်ကုန်ကျစရိတ်ကို ထိန်းထားလို့ရတယ်။ ရောင်းပြီးတော့မှ အခွန်ပြန်ဆောင်ဆိုပြီး ဆိပ်ကမ်းထဲမှာပစ္စည်း ထားတဲ့သဘောနဲ့ခပ်ဆင်ဆင်ပါပဲ။

 

Bonded Warehouse ထဲမှာဘယ်လိုမျိုးပစ္စည်းတွေကိုထည့်ထားလို့ရမှာလဲ ?

နိုင်ငံရဲ့စည်းမျဉ်းစည်းကမ်းကိုလိုက်ပြီး bonded warehouse ထဲမှာထားလို့ရမယ့် ပစ္စည်းအမျိုးအစားတွေကွာခြားသွားမှာဖြစ် ပါတယ်။ အောက်မှာတော့ နိုင်ငံတကာမှာရှိတဲ့ bonded warehouse အမျိုးအစားအချို့ကိုဖော်ပြပေးထားပါတယ်။

 

>>> Cold Storages အအေးခန်းသိုလှောင်ရုံဝန်ဆောင်မှုပေါင်း ၇၇ ခုကိုရှာဖွေရန်နှိပ်ပါ<<<

 

၁။ Temporary storage premises (RTO)
အကောက်ခွန်ရဲ့ထောက်ခံချက်ကိုရဖို့အတွက် ယာယီသဘောမျိုးထားတဲ့ကုန်ပစ္စည်းတွေကို ထည့်သွင်းသိုလှောင်ထားလို့ ရမှာဖြစ်ပါတယ်။

 

၂။ Type B Customs warehouse
အများပိုင် customs warehouse ပါ။ ဒါကိုအချို့က အစိုးရပိုင်လို့လည်းဆိုကြပါတယ်။ မည်သူမဆိုသူတို့ရဲ့ကုန်ပစ္စည်းတွေကို အကောက်ခွန်ရဲ့ထိန်းချုပ်မှုအောက်မှာ လာရောက်ထည့်သွင်းထားနိုင်မှာဖြစ်ပါတယ်။ တင်သွင်းသူအနေနဲ့ custom duty မဖြတ်ရသေးခင်အထိသိမ်းစည်းထားနိုင်ပြီး ဘုံသဘောမျိုးနဲ့အသုံးပြုကြတာကိုလည်းတွေ့ရပါတယ်။

 

၃။ Type C customs warehouse
တစ်သီးပုဂ္ဂလအမျိုးစားပါ။ ကိုယ်ပိုင်တဲ့ကိုယ့်ပစ္စည်းကို စိတ်ကြိုက်ထားနိုင်ပါတယ်။ ဒါမှမဟုတ်ပဲ ကိုယ်တာဝန်ယူထားနိုင်တဲ့ အခြားသူတွေရဲ့ပစ္စည်းတွေကိုလည်း ထားသိုနိုင်ပါတယ်။ အကောက်ခွန်နဲ့ပက်သတ်လို့ကတော့ customs warehouse ပိုင် ရှင်ကပဲတာဝန်ယူရမှာဖြစ်ပါတယ်။ တင်သွင်းခွင့်ရထားတဲ့သူတွေအနေနဲ့ တင်သွင်းခွင့်ရထားတဲ့ပစ္စည်းတွေကိုပဲ တင်သွင်းသို လှောင်ကြလို့ Private Bonded Warehouse လို့လည်းခေါ်ကြပါတယ်။

 

၎။ Type D and E customs warehouse
တစ်သီးပုဂ္ဂလအမျိုးအစားဖြစ်ပြီး ကိုယ့်ပစ္စည်းကိုပဲကိုယ်ထားရမှာဖြစ်ပါတယ်။

 

၅။ Free Warehouse
အများပိုင်အမျိုးအစားတစ်ခုဖြစ်ပြီး အကောက်ခွန်ရဲ့ထိန်းချုပ်အောက်မှာရှိနေမယ့် အဆောက်အဦးတစ်ခုဖြစ်ပါတယ်။ ဘယ်သူမဆိုကိုယ့်ရဲ့ ကုန်ပစ္စည်း တွေကိုလာထားနိုင်ပါတယ်။

 

၆။ Special economic zone or Free zone
အပေါ်က Free Warehouse နဲ့မတူတာကတော့ ယင်းကအဆောက်အဦးတစ်ခုမျှသာမဟုတ်ပဲ သတ်သတ်မှတ်မှတ်လုပ် ထားတဲ့နေရာတစ်ခုဖြစ်နေခြင်းပါ။

 

>>> Storage Services သိုလှောင်ရေးကဏ္ဍနှင့်ပက်သတ်ပြီး ၀န်ဆောင်မှု ၁၄ ခုကိုရှာဖွေရန်နှိပ်ပါ<<<

 

Daizen Myanmar

မြန်မာပြည်ရဲ့ပထမဆုံးသော bonded warehouse လုပ်ဆောင်ခွင့်ရသည့်ကုမ္ပဏီကတော့ Daizen Myanmar ကုမ္ပဏီ ပဲဖြစ်ပါတယ်။ ၂၀၁၇ခုနှစ်မှာ စတင်လုပ်ဆောင်ခွင့်ရရှိခဲ့တာဖြစ်ပြီး ကုန်ပစ္စည်းတွေကိုအကောက်ခွန်နဲ့ ကုန်ပစ္စည်းခွန် မဆောင်ပဲ သိမ်းဆည်းထားခွင့်ရမှာဖြစ်ပါတယ်။ ရောင်းလိုက်တာပဲဖြစ်ဖြစ်၊ နိုင်ငံရပ်ခြားကိုသဘောင်္နဲ့ပဲဖြစ်ဖြစ်တင်ပို့ လိုက်ပြီဆိုရင်တော့ သတ်မှတ်ထားတဲ့အခွန်ကိုဆောင်ရမှာပဲဖြစ်ပါတယ်။ ဒါကြောင့် Bonded warehouse အမျိုးအစား တွေက Special economic zone or Free zone အနေနဲ့လုပ်ကိုင်ဆောင်ရွက်နေတယ်ဆိုတာကို မြင်သာစေမှာဖြစ်ပြီး သူတို့အနေနဲ့ သီလ၀ါစက်မှုဇုန်ရဲ့ အပိုင်း (က)မှာလုပ်ဆောင်နေသလို အခွန်ကင်းလွတ်ခွင့် ၅ နှစ်ရရှိထားတယ်လို့ သတင်း တွေရဲ့ဖော်ပြမှုအရလည်းသိရပါတယ်။ (source from –Daizen myanmar)

 

Bonded Warehouse ရဲ့အကျိုးကျေးဇူးတွေကဘာတွေလဲ?

 

Custom clearance ဖြတ်တဲ့အပိုင်းကို ကားတင်သွင်းသူတော်တော်များများနဲ့ ကုန်ပစ္စည်းတင်သွင်းသူတော်တော်များများနား လည်ကြပါတယ်။ အချိန်ပေးရမယ် ပိတ်ဆို့မှုတွေဖြစ်မယ်ပေါ့။ ဒါပေမယ့် bonded warehouse ဖြစ်လာတဲ့အခါမှာတော့ အချိန်ကုန်သက်သာပြီး အဆင်ပြေချောမွေ့စေမှာဖြစ်ပါတယ်။ မရောင်းရခင်အထိ အကောက်ခွန်မဆောင်ရသေးတဲ့အတွက် အဆင်ပြေလွယ်ကူမှုသာမက ငွေကြေးစီးဆင်းမှုအတွက်လည်း အဆင်ပြေစေပါတယ်။ ဒါ့အပြင် အာဆီယံအဖွဲ့ဝင်နိုင်ငံတွေ၊ တရုတ်နဲ့ တောင်အာဖရိကနိုင်ငံတွေကြား ကုန်စည်တွေရောင်းချမှုအတွက် supplier တွေရဲ့ အားထားရတဲ့ဗဟိုအချက် အချာတစ်ခုလည်း ဖြစ်လာစေနိုင်ပါတယ်။


MACCS အသုံးပြုဖို့အတွက် Bonded Warehouse Code ဘယ်လိုလျှောက်မလဲ

 

Myanmar Automated Cargo Clearance System (MACCS) အသုံးပြုရန်အတွက် Bonded Warehouse Code လျှောက်ထားရာတွင်လိုအပ်သော စာရွက်စာတမ်းတွေကို ၂၀၁၈ခုနှစ်ဖေဖေါ်ဝါရီလက ဖော်ပြထားခဲ့မှုအရ  

C.M.P Company အတွက်


၁။ ညွှန်ကြားရေးမှူး (MACCS) ထံလိပ်မူ၍ company letterhead ဖြင့် company မှတာဝန်ရှိသူလက်မှတ်ရေးထိုးထားသော လျှောက်လွှာ၊ လျှောက်လွှာပေါ်တွင် ထုတ်ကုန်သွင်းကုန်ကြီးကြပ်ရေးဌာနခွဲ C.M.P Section မှ C.M.P Company ဖြစ်ကြောင်းထောက်ခံချက်လက်မှတ်ပါရှိရမည်။
၂။ Importer/Exporter Code မိတ္တူ
၃။ သွင်းကုန်လိုင်စင်မိတ္တူ
၎။ ကုမ္ပဏီ၏ FORM VI မိတ္တူ
၅။ ကုမ္ပဏီ၏ FORM XXVI မိတ္တူပါရှိရမည်။

 

>>> Racking Storage Systems နှင့်ပက်သတ်ပြီးကုမ္ပဏီပေါင်း ၂၉ ခုကိုရှာဖွေရန်နှိပ်ပါ <<<

 

SEZ TLA Company အတွက်


၁။ ညွှန်ကြားရေးမှူး (MACCS) ထံလိပ်မူ၍ company letterhead ဖြင့် company မှတာဝန်ရှိသူလက်မှတ်ရေးထိုးထားသော လျှောက်လွှာ၊
၂။ Importer/Exporter Code မိတ္တူ
၃။ ကုမ္ပဏီ၏ FORM I မိတ္တူ
၎။ ကုမ္ပဏီ၏ FORM CR-6 & 7 မိတ္တူ
၅။ Letter of Approval for Investor (Form-2) မိတ္တူပါရှိရမည်။ (Source from Maccs/Mcis-cargo) လိုအပ်မှာဖြစ်ပါတယ်။

 

မြန်မာနိုင်ငံရဲ့အကောက်ခွန်ဌာနရဲ့စည်းမျဉ်းတွေအရ bonded warehouse တွေကို CCTV ကင်မရာတွေနဲ့ ၂၄နာရီ ပတ်လုံး စောင့်ကြည့်နေဖို့လိုပ်အပ်မှာဖြစ်ပါတယ်။ ဒါကြောင့် MACCS အသုံးပြုခြင်းအားဖြင့် အကောက်ခွန်အနေနဲ့ bonded warehouse တွေရဲ့ကုန်ပစ္စည်းအ၀င်အထွက်မှန်သမျှ ကိုစောင့်ကြည့်နေနိုင်မှာလည်းဖြစ်ပါတယ်။

 

ပြည်ထောင်စုလွှတ်တော်၏ Bonded Warehouse အတွက်ထုတ်ပြန်ချက်

 

Bonded Warehouse နဲ့ပက်သတ်လို့ ၂၀၁၈ခုနှစ် ဒီဇင်ဘာလ ၆ ရက်နေ့မှာ ပြည်ထောင်စုလွှတ်တော်အနေနဲ့ ပင်လယ်ရေ ကြောင်း၊အကောက်ခွန်အက်ဥပဒေဟုအစားထိုးပြင်ဆင်ခဲ့ပြီး Public Warehouse ဟုခေါ်ဆိုခြင်းအစား Public Custom Warehouse ဟုပြင်ဆင်ခေါ်ဆိုစေခဲ့သလို Private Warehouse နေရာတွင်လည်း Private Custom Warehouse ဟု ပြောင်းလဲခေါ်ဆိုစေခဲ့ပါတယ်။ ဒါ့အပြင် Manufacturing Customs Warehouse ကဏ္ဍသစ်ကိုလည်း ထပ်တိုးပေးခဲ့ပါတယ်။ Manufacturing Customs Warehouse အတွက်လိုင်စင်ကိုတော့ အကောက်ခွန်ရဲ့ Director-General ကနေ ခွင့်ပြုပေး သွားမှာဖြစ်ပါတယ်။


Bonded Warehouse အမျိုးအစားခွင့်ပြုချက်

 

Bonded Warehouse ကို SEZ TLA တွေအတွက် ၂၀၁၇ခုနှစ်ကတည်းက စတင်ခွင့်ပြုခဲ့တာဖြစ်ပါတယ်။ ၂၀၁၈နှစ်ကုန် ပိုင်းမှာတော့ SEZ TLA အပြင်အခြားသော နေရာတွေအတွက် ခွင့်ပြုပေးဖို့အကောက်ခွန်အနေနဲ့ စီမံဆောင်ရွက်နေတယ် ဆိုပြီးသတင်းတွေထွက်လာခဲ့ပါတယ်။ Myanmar Investment Commission ရဲ့ Invest Plan ထုတ်ပြီးကတည်းက အပြင် မှာစတင်လုပ်ဆောင်မှုတွေရှိနေခဲ့တာဖြစ်တဲ့အပြင် TLA အပြင်ဘက်အတွက် Bonded Warehouse လုပ်ဆောင်မှု ခွင့်ပြုချက်ကို သက်ဆိုင်ရာအနေနဲ့ သြဂုတ်လတတိယပတ်လောက်က စမ်းသပ်ခွင့်ပြုပေးခဲ့ဖွယ်ရှိတယ်လို့ Logistics နဲ့နီးစပ်တဲ့အသိုင်းအ၀ိုင်းကလာတဲ့သတင်းတွေအရ သိရပါတယ်။ ဒါပေမယ့် တစ်ချို့ကတော့ လုပ်ပိုင်ခွင့်ပေးထားပေမယ့် အပြီးသတ်လုပ်ဆောင်ချက်နဲ့ပက်သတ်ပြီးဆက်လက်ဆွေးနွေးဆဲမို့ အချိန်အနည်းငယ်ယူရဦးမယ်လို့ ထင်ကြေးပေးနေကြ သလိုလက်ရှိမှာလည်း dry port နဲ့ပက်သတ်လို့ စမ်းသပ်လုပ်ဆောင်နေတဲ့ ကုမ္ပဏီအချို့ရှိတယ်လို့လည်းဆိုကြပါတယ်။

 

Myanmar Logistics Guide

 

 

Read times
Rate this item
(1 Vote)