Knowledge

ယခုဘဏ္ဍာနှစ် အောက်တိုဘာလမှ မေလကုန်အထိ ရှစ်လတာအတွင်း ဝင်ရောက်သည့် နိုင်ငံခြားရင်းနှီးမြှုပ်နှံမှုများတွင် ပို့ဆောင်ဆက်သွယ်ရေးကဏ္ဍသို့ ဝင်ရောက်မှုသည် အများဆုံးဖြစ်သည်ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနDICA ယာယီညွှန်ကြားရေးမှူးချုပ် ဦးသန့်စင်လွင်မှ ပြောခဲ့ပါတယ်။

Published in Investment

ချင်းပြည်နယ်(မြောက်ပိုင်း) ရိဒ်ခေါဒါရ်မြို့ရှိ မြန်မာ-အိန္ဒိယနယ်စပ် ချစ်ကြည်ရေးတံတားပေါ်မှ ကုန်စည်များသယ်ဆောင်ခြင်းကို ဇူလိုင် ၁၇ ရက် မွန်းလွဲ ၂ နာရီမှစတင်၍ ပြန်လည်ဖွင့် လှစ်ခဲ့ကြောင်း သိရပါတယ်။

Published in Export & Import

          နိုင်ငံပိုင်စီးပွားရေးလုပ်ငန်းများ (State Own Enterprises) အက်စ်အိုအီးများ၏အရေးသည် အစိုးရ၏ တစ်နှစ်စာဘတ်ဂျက် တင်သွင်းလာတိုင်း လွှတ်တော်တွင် အသံအကျယ်လောင်ဆုံး ထွက်ပေါ်သော အကြောင်းအရာတစ်ခုဖြစ်သည်။ နိုင်ငံ့စီးပွားရေးယန္တရားကို အထောက်အကူပြု မောင်းနှင်နိုင်ရန် ရည်ရွယ်လုပ်ဆောင်ခဲ့သော အဆိုပါအက်စ်အိုအီးများသည် လက်တွေ့တွင်မူ မှန်းချက်နှင့် နှမ်းထွက်မကိုက်သော အခြေအနေကြောင့် ဖြစ်သည်။ပြည်ပပို့ကုန် ထုတ်လုပ်ရန်၊ သွင်းကုန်အစားထိုး ထုတ်လုပ်ရန်၊ ပြည်သူပြည်သားများ သက်သာချောင်ချိစွာ အသုံးပြုနိုင်စေရန် ရည်ရွယ်ချက်များဖြင့် အက်စ်အိုအီးများကို ရင်းနှီးတည်ထောင်ခဲ့ခြင်းဖြစ်သည်။ သို့သော် နည်းပညာအားနည်းခြင်း၊ ဈေးကွက်စီးပွားရေးစနစ်တွင် ထုတ်ကုန်အရည်အသွေး ယှဉ်ပြိုင်နိုင်စွမ်းနည်းပါးခြင်း၊ စီမံခန့်ခွဲမှုအားနည်းခြင်း စသည့်အကြောင်းခံများကြောင့် နိုင်ငံအတွက် ဝန်ထုပ်ဝန်ပိုးဖြစ်လာနေကြောင်း လွှတ်တော်ကိုယ်စားလှယ်များက ထောက်ပြကြသည်။


          မြန်မာနိုင်ငံတွင် အက်စ်အိုအီး ၃၂ ခုရှိနေပြီး ၄င်းတို့ကို ပြည်ထောင်စုဝန်ကြီးဌာန ခြောက်ခုက တာဝန်ယူ စီမံခန့်ခွဲလုပ်ကိုင်နေသည်။ ထိုအထဲတွင် အမြတ်ရရှိနေသည့် အက်စ်အိုအီး ၂၂ ခုရှိနေပြီး ၁ဝ ခုက အရှုံးပေါ်နေသည်။ ၂ဝ၁၈-၁၉ ဘတ်ဂျက်အတွက် တင်ပြထားသော အချက်အလက်များအရ ၄င်းတို့၏အမြတ်ရရန် ခန့်မှန်းထားသည့် ပမာဏမှာ ကျပ်၂,ဝ၂၈ ဘီလျံကျော်ရှိပြီး အရှုံးဖြစ်ပေါ်ရန် ခန့်မှန်းထားသည့် ပမာဏမှာ ကျပ် ၈၃၃ ဘီလျံကျော် ရှိနေသည်။အထက်ပါ အရှုံးအမြတ်ရှင်းတမ်း ခန့်မှန်းချက်အရ အမြတ်ထွက်မည်ဟု ယူဆနိုင်သည်။ သို့သော်လည်း အမြတ်ရရှိသည့်လုပ်ငန်းများတွင် ဗဟိုဘဏ်အပါအဝင် အစိုးရဘဏ်များနှင့် မြန်မာ့အာမခံလုပ်ငန်းကလွဲလျှင် အခြား အမြတ်ရလုပ်ငန်းများသည် နိုင်ငံ၏ သယံဇာတများကို တိုက်ရိုက်ဖြစ်စေ၊ သွယ်ဝိုက်သောအားဖြင့်ဖြစ်စေ ထုတ်လုပ်အသုံးချနေသည့် လုပ်ငန်းများ ဖြစ်နေသည်။

 

          လာမည့်နှစ်အတွက် တင်ပြထားသည့်စာရင်းအရ ဗဟိုဘဏ်နှင့် အစိုးရဘဏ်လေးခုတို့၏ မြတ်စွန်းနိုင်မည့်ပမာဏမှာ ကျပ် ၆၉၂ ဘီလျံကျော် ရှိနေပြီး မြန်မာ့အာမခံလုပ်ငန်းက ကျပ် ၃၈ ဘီလျံ မြတ်စွန်းရန် မှန်းထားရာ ၄င်းလုပ်ငန်းများက ကျပ် ၇၃၁ ဘီလျံကျော်ရရှိမည်ဖြစ်သည်။ ထို့ကြောင့် အက်စ်အိုအီးအားလုံးအတွက် ခန့်မှန်းထားသည့် အမြတ်အစွန်း ကျပ်၂,ဝ၂၈ ဘီလျံကျော်တွင် ဘဏ်များနှင့် အာမခံလုပ်ငန်းတို့၏ အမြတ်ငွေပါဝင်မှုမှာ သုံးပုံတစ်ပုံခန့်သာရှိကြောင်း တွေ့ရသည်။အမြတ်ကြီးမားစွာရရန် ရှိနေသည့် အက်စ်အိုအီးအချို့တွင် မြန်မာ့ရေနံနှင့် သဘာဝဓာတ်ငွေ့လုပ်ငန်းက ကျပ် ၆၅၈ ဘီလျံခွဲ၊ မြန်မာ့ကျောက်မျက်ရတနာ ရောင်းဝယ်ရေးလုပ်ငန်းက ကျပ် ၁၇၅ ဘီလျံခန့်၊ မြန်မာ့သစ်လုပ်ငန်းက ကျပ် ၁ဝ၅ ဘီလျံကျော်၊ မြန်မာ့ဆက်သွယ်ရေးလုပ်ငန်းက ကျပ် ၉၈ ဘီလျံကျော်၊ မြန်မာ့ဆိပ်ကမ်းအာဏာပိုင်က ကျပ် ၅၁ ဘီလျံကျော်၊ မြန်မာ့ရေနံဓာတုဗေဒလုပ်ငန်းက ကျပ် ၄၈ ဘီလျံကျော် စသည်ဖြင့် အစဉ်လိုက်ရှိနေပြီး ကျန်အမြတ်အစွန်းရသည့် လုပ်ငန်းများမှာလည်း သယံဇာတများနှင့်ဆက်နွှယ်သော လုပ်ငန်းများသာ ဖြစ်နေသည်။

 

          အရှုံးပေါ်နေသည့် အက်စ်အိုအီးများကို လေ့လာလျှင် ပြည်သူတို့၏ နိစ္စဓူဝအတွက် အရေးကြီးသည့် လျှပ်စစ်ဓာတ်အား ထုတ်လုပ်ရေးလုပ်ငန်းနှင့် မြန်မာ့မီးရထားတို့သည် အရှုံးပမာဏ ကြီးမားလျက်ရှိနေသည်။ လျှပ်စစ်ဓာတ်အားထုတ်လုပ်ရေးလုပ်ငန်းသည် လာမည့်နှစ်တွင် ကျပ် ၆၂၉ ဘီလျံကျော် အရှုံးပေါ်မည်ဖြစ်ကြောင်း ခန့်မှန်းထားသကဲ့သို့ မြန်မာ့မီးရထားကလည်း ကျပ် ၉၈ ဘီလျံနီးပါးရှုံးမည်ဟု ခန့်မှန်းထားသည်။ပြည်သူများသို့ ဓာတ်အားထုတ်လုပ်ရောင်းချရာတွင် ဓာတ်အားတစ်ယူနစ် ထုတ်လုပ်ရောင်းချတိုင်း အစိုးရက ၂၃ ကျပ်နှုန်း ရှုံးနေကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က လွှတ်တော်သို့ ရှင်းလင်းတင်ပြထားသည်။ တစ်ယူနစ် ပျမ်းမျှထုတ်လုပ်မှုစရိတ် ၇၇ ဒသမ ၂၅ ကျပ်ရှိနေသော်လည်း ပြည်သူများသို့ တစ်ယူတစ်ပျမ်းမျှ ၅၄ ဒသမ ၁၅ ကျပ်နှုန်းဖြင့် ရောင်းချနေသည်ဟု ဆိုသည်။

 

          ထို့ကြောင့် ပြည်သူများ လျှပ်စစ်ဓာတ်အားသုံးစွဲမှု တိုးတက်လာသည်နှင့်အမျှ အစိုးရ၏ အရှုံးခံစိုက်ထုတ်ရသည့် ပမာဏမှာလည်း မြင့်မားလာသည်။ ဘတ်ဂျက်နှစ်အလိုက် အရှုံးခံ စိုက်ထုတ်ခဲ့မှုအရ ၂ဝ၁၆−၁၇ တွင် ကျပ် ၄၁၉ ဘီလျံခန့်၊ ၂ဝ၁၇−၁၈ တွင် ကျပ် ၅ဝ၈ ဘီလျံခန့်၊ ကြားခြောက်လ ဘတ်ဂျက်တွင် ကျပ် ၃ဝ၉ ဘီလျံခန့်နှင့် လာမည့် ၂ဝ၁၈−၁၉ တွင် ကျပ် ၆၂၉ ဘီလျံကျော်အထိ အရှုံးခံ စိုက်ထုတ်သွားရဖွယ်ရှိနေကြောင်း ဝန်ကြီးဌာနက တင်ပြထားသည်။ထိုကဲ့သို့ပင် ပို့ဆောင်ရေးနှင့် ဆက်သွယ်ရေးဝန်ကြီးဌာနအောက်ရှိ မြန်မာ့မီးရထား(လုပ်ငန်း)သည်လည်း ပြည်သူများ ပြည်တွင်းသွားလာမှုတွင် သက်သာစေရေးအတွက် အစိုးရက အရှုံးခံပြေးဆွဲနေရသည်။ နှစ်အလိုက် အရှုံးစာရင်းများအရ ၂ဝ၁၆−၁၇ တွင် ကျပ် ဘီလျံ ၆ဝ၊ ၂ဝ၁၇−၁၈ တွင် ကျပ် ၇၉ ဘီလျံကျော်၊ ကြားခြောက်လ ဘတ်ဂျက်တွင် ကျပ် ၃၈ ဘီလျံကျော်နှင့် လာမည့် ၂ဝ၁၈−၁၉ တွင် ကျပ် ၉၈ ဘီလျံခန့် အရှုံးခံ ပြေးဆွဲပေးရဖွယ်ရှိကြောင်း တင်ပြထားသည်။

 

          အထက်ပါလုပ်ငန်းနှစ်ခု၏ အရှုံးပမာဏ(ခန့်မှန်း)သည် အက်စ်အိုအီးများ၏ စုစုပေါင်းအရှုံးပမာဏ(ခန့်မှန်း)၏ ၃၅ ရာခိုင်နှုန်းကျော် ရှိနေသော်လည်း နိုင်ငံရေးအတွက်ပါ သက်ရောက်မှုရှိလာနိုင်မည့် ထိုလုပ်ငန်းများအတွက်ကိုမူ လွှတ်တော်တွင် ထူးထူးခြားခြား ဝေဖန်ဆွေးနွေးခြင်းမျိုး မတွေ့ရပေ။ မီးရထားအတွက် အသုံးပြုသူဦးရေတိုးလာပြီး အရှုံးသက်သာစေရန် ဆောင်ရွက်လျက်ရှိကြောင်း သက်ဆိုင်ရာဝန်ကြီးဌာနက မကြာခဏ ရှင်းလင်းတင်ပြလေ့ရှိသည်။သို့သော်လည်း ဓာတ်အားခ တိုးမြှင့်ကောက်ခံရေးမှာမူ ယခုအစိုးရ စတင်တာဝန်ယူစဉ်ကတည်းက ပြောဆိုလာခဲ့သော်လည်း ယနေ့အထိ အကောင်အထည် မဖော်နိုင်သေးပေ။ အခြေခံလူတန်းစားများအတွက် ထိခိုက်မှုမရှိစေရန် သို့မဟုတ် အနည်းဆုံးဖြစ်စေရန် စဉ်းစားဆောင်ရွက်လျက်ရှိကြောင်းသာ တာဝန်ရှိသူများက ပြန်လည်ဖြေကြားလေ့ရှိသည်။

 

လွှတ်တော်တွင် ပွက်လောအရိုက်ဆုံး အရှုံးပေါ်လုပ်ငန်းများမှာ စက်မှုဝန်ကြီးဌာနအောက်ရှိ စက်ရုံများဖြစ်သည် ...

 

          အခြားအစိုးရဝန်ဆောင်မှုလုပ်ငန်းများဖြစ်သည့် ပြည်တွင်းရေကြောင်းပို့ဆောင်ရေး၊ ကုန်လမ်းပို့ဆောင်ရေး၊ မြန်မာ့စာတိုက်လုပ်ငန်းတို့ အရှုံးပေါ်မည်ဖြစ်သကဲ့သို့ သတင်းနှင့် စာနယ်ဇင်းလုပ်ငန်းကလည်း လာမည့်နှစ်တွင် အရှုံးပေါ်မည်ဖြစ်ကြောင်း တင်ပြလာသည်။ ကြော်ငြာဝင်ငွေ နည်းလာခြင်း၊ ကျေးလက်အထိ သတင်းစာပို့ဆောင်နေရခြင်း စသည့်အခြေအနေများကြောင့် အစိုးရသတင်းစားကို အရှုံးခံ ရိုက်နှိပ်ထုတ်ဝေနေရကြောင်း ပြန်ကြားရေးဝန်ကြီးဌာနပြည်ထောင်စုဝန်ကြီးဒေါက်တာဖေမြင့်က လွှတ်တော်သို့ တင်ပြခဲ့သည်။လွှတ်တော်တွင် ပွက်လောအရိုက်ဆုံး အရှုံးပေါ်လုပ်ငန်းများမှာ စက်မှုဝန်ကြီးဌာနအောက်ရှိ စက်ရုံများဖြစ်သည်။ ပြည်ပပို့ကုန်ထုတ်လုပ်ရန်၊ သွင်းကုန်အစားထိုးရန် စသည့်ရည်ရွယ်ချက်များဖြင့် ရန်ပုံငွေများစွာ ရင်းနှီးမြှုပ်နှံခဲ့သော်လည်း နည်းပညာနောက်ကျခြင်း၊ အရည်အသွေးမီထုတ်ကုန်များ မထုတ်လုပ်နိုင်ခြင်း၊ စီမံခန့်ခွဲမှုအားနည်းခြင်း၊ ပင်စင်ဝန်ထုပ်ဝန်ပိုး ကြီးမားခြင်းစသည့် အခြေအနေများကြောင့် ဘတ်ဂျက်တောင်းလာတိုင်း ငြင်းပယ်ခံရခြင်း၊ စိစစ်ဖြတ်တောက်ခံရခြင်း၊ ဝေဖန်ခံရခြင်းများနှင့် ရင်ဆိုင်ရလေ့ရှိသည်။

 

          ထိုအရှုံးပေါ်စက်ရုံများကို ဆက်လက်ဆောင်ရွက်သင့်၊ မသင့် ပြန်လည်သုံးသပ်ရန်အတွက် လွှတ်တော်က ၂ဝ၁၇ ခုနှစ်အစောပိုင်းတွင် တိုက်တွန်းခဲ့သည်။ စီမံကိန်းနှင့် ဘဏ္ဍာရေးဝန်ကြီးဌာနကို ဒုတိယဝန်ကြီး ဦးမောင်မောင်ဝင်းကမူ လွှတ်တော်၏အကြံပြုချက်အတိုင်း ဆောင်ရွက်လျက်ရှိသည်ဟု ဆိုသည်။အစိုးရများသည် အက်စ်အိုအီးများ တိုးတက်ရေး သူ့နည်းသူ့ဟန်ဖြင့် ဆောင်ရွက်ခဲ့ကြသည်။ ပြီးခဲ့သည့် အစိုးရလက်ထက်၊ ၂ဝ၁၂-၁၃ ဘဏ္ဍာရေးနှစ်တွင် အက်စ်အိုအီများအား မိမိဘဏ္ဍာရန်ပုံငွေအပေါ် မိမိတို့ ရပ်တည်နိုင်ရေးအတွက် စီမံခန့်ခွဲမှုပုံစံအသစ်ဖြင့် ခွင့်ပြုပေးခဲ့သည်။

 

 

new 2 min

 

 

          ''အစိုးရဘတ်ဂျက်မှာ ရငွေက ရငွေ၊ သုံးငွေက သုံးငွေ။ ရငွေကို ပြန်သုံးလို့မရဘူး။ ဒါပေမဲ့ စီးပွားရေးအဖွဲ့အစည်း (အက်စ်အိုအီး) တွေကိုတော့ သူတို့ရတဲ့ငွေကို သူတို့ကို ပြန်သုံးခွင့်ပေးခဲ့တယ်။ သူတို့ကို မြှင့်တင်တာပေါ့'' ဟု ပြည်သူ့ လွှတ်တော် ပြည်သူ့ငွေစာရင်းကော်မတီဥက္ကဌ ဦးအောင်မင်းက ပြောကြားခဲ့သည်။အက်စ်အိုအီးများသည် ရရှိသည့်အမြတ်ငွေထဲမှ အခွန်ဆောင်ပြီးနောက် ကျန်ငွေအားလုံးကို နိုင်ငံတော်သို့ ထည့်ဝင်ငွေအဖြစ် ပေးသွင်းခဲ့ရသော်လည်း ထိုအစီအစဉ် စတင်သည့်နှစ်မှစ၍ အမြတ်ငွေထဲမှ ၂၅ ရာခိုင်နှုန်းကို အခွန်အဖြစ်လည်းကောင်း၊ ၂ဝ ရာခိုင်နှုန်းကို ထည့်ဝင်ငွေအဖြစ်လည်းကောင်း ထည့်ဝင်စေကာ ကျန်သည့် ၅၅ ရာခိုင်နှုန်းကိုမူ ၄င်းတို့အတွက် သီးသန့်ရန်ပုံငွေအဖြစ် စာရင်းဖွင့်လှစ်ခွင့်ပြုခဲ့သည်။သို့သော်လည်း အက်စ်အိုအီးများအနက် အချို့သည် တိုးတက်မှုများ ရရှိမလာသည့်အပြင် ၄င်းတို့၏ အရှုံးပမာဏကို နိုင်ငံတော်ဘဏ္ဍာက ဖြည့်ဆည်းပေးနေရကြောင်း မင်္ဂလာဒုံမြို့နယ်က ပြည်သူ့လွှတ်တော်ကိုယ်စားလှယ် ဦးအောင်လှိုင်ဝင်းက ပြောသည်။

 

          ထို့ကြောင့် အက်စ်အိုအီးများကို လုပ်ငန်းသဘာဝတူရာ စုစည်းစေရန်၊ စွမ်းဆောင်ရည် အကဲဖြတ်တင်ပြစေရန်၊ သင့်လျော်သည့် အမြတ်ခွဲဝေမှု မူဝါဒချမှတ်ရန်နှင့် စီမံ/ဘဏ္ဍာဝန်ကြီးဌာနက အစိုးရကိုယ်စား ပိုင်ရှင်အဖြစ် ကြပ်မတ်ထိန်းကျောင်းရန်အချက်များ ပါဝင်သည့် အားလုံးကိုလွှမ်းခြုံစေသော အလုံးစုံ ပြုပြင်ပြောင်းလဲမှုစီမံချက် ရေးဆွဲအကောင်အကောင်အထည်ဖော်ရေး တိုက်တွန်းကြောင်း အဆိုကို ဒဂုံမြို့နယ်က ပြည်သူ့လွှတ်တော်ကိုယ်စားလှယ် ဒေါက်တာသက်သက်ခိုင်က ယခုလအတွင်း တင်သွင်းခဲ့ပြန်သည်။

 

 

new 3 min

 

 

          အက်စ်အိုအီးအများစု အရှုံးပေါ်နေပြီး ပြည်ထောင်စုဘဏ္ဍာရန်ပုံငွေထဲမှ ကျခံသုံးစွဲနေရခြင်းသည် ၄င်းတို့၏ ပိုင်ဆိုင်မှုပုံစံ မှားယွင်းနေခြင်းကြောင့်ဖြစ်ကြောင်း ဒေါက်တာသက်သက်ခိုင်က ထောက်ပြသည်။ဦးမောင်မောင်ဝင်းကမူ ပြီးခဲ့သည့် ဘဏ္ဍာရေးနှစ်အခြေအနေအရ အက်စ်အိုအီးများ၏ဝင်ငွေသည် ပြည်ထောင်စုဝင်ငွေတွင် ၄၄ ဒသမ ၆၂ ရာခိုင်နှုန်းပါဝင်နေပြီး ၄င်းတို့၏အသုံးစရိတ်သည် ပြည်ထောင်စု၏ အသုံးစရိတ်တွင် ၃၁ ဒသမ ၇၉ ရာခိုင်နှုန်းသာ ပါဝင်နေကြောင်း တုံ့ပြန်ခဲ့သည်။ လာမည့် ၂ဝ၁၈−၁၉ အတွက် မူလခန့်မှန်းခြေစာရင်းအရမူ အက်စ်အိုအီးများ၏ ဝင်ငွေသည် ပြည်ထောင်စုဝင်ငွေတွင် ၃၈ ဒသမ ၆၂ ရာခိုင်နှုန်း (ကျပ် ၇ ထရီလျံကျော်) ပါဝင်မည်ဖြစ်ပြီး သုံးငွေတွင် ၃၆ ရာခိုင်နှုန်းခန့် (ကျပ် ၈ ထရီလျံကျော်) ပါဝင်နေကြောင်း တွေ့ရသည်။အက်စ်အိုအီးများကို ရပ်ဆိုင်းသင့်သည်ဟု မြင်သူများရှိသကဲ့သို့ အချို့ကို ဆက်လက်ထားရှိသင့်သည်ဟု ဆိုသူများလည်း ရှိနေသည်။ ပြည်တွင်းကုန်းလမ်းပို့ဆောင်ရေးလုပ်ငန်းကို ရပ်ဆိုင်းသင့်ပြီဟု လှိုင်မြို့နယ် ပြည်သူ့လွှတ်တော်ကိုယ်စားလှယ် ဦးအောင်ကျော်ကျော်ဦးက ဆိုသည်။

 

          တပ်မတော်သား ပြည်သူ့လွှတ်တော်ကိုယ်စားလှယ် ဒုတိယဗိုလ်မှူးကြီးမျိုးဝင်းလှိုင်ကမူ ပို့ဆောင်ရေးနှင့် ဆက်သွယ်ရေးဝန်ကြီးဌာနအောက်ရှိ လုပ်ငန်းများကို ဆက်လက်ထားသင့်သည်ဟု ဆိုသည်။အက်စ်အိုအီးများကို နည်းလမ်းသုံးခုဖြင့် ဆောင်ရွက်သင့်ကြောင်း စီးပွားရေးပညာရှင် ဒေါက်တာအောင်ထွန်းသက်ကလည်း အကြံပြုထားသည်။ ပထမနည်းလမ်းသည် နိုင်ငံတော်က ဆက်လက်တာဝန်ယူပြီး ဈေးကွက်စီးပွားရေးစနစ်နှင့် ကိုက်ညီသည့် စီးပွားရေးလုပ်ငန်းများအဖြစ် အသွင်ပြောင်းရေးဖြစ်သည်။ ဒုတိယနည်းလမ်းသည် ပုဂ္ဂလိကပိုင်ပြုလုပ်ရေးဖြစ်သည်။ ယခင်အတွေ့အကြုံများအရ လွှဲပြောင်းရယူသွားသော လုပ်ငန်းရှင်များသည် ဝန်ထမ်းများအား ကတိအတိုင်း ဆက်လက်မခန့်ထားသကဲ့သို့ တန်ဖိုးကြီး နိုင်ငံပိုင်ပစ္စည်းများကို ရောင်းချပြီး အမြတ်ရရေးအတွက်သာ ပြုလုပ်ခဲ့ကြသည်ဟု ဆိုသည်။ တတိယနည်းလမ်းသည် ကော်ပိုရေးရှင်းများအဖြစ် အသွင်းပြောင်းရေးဖြစ်သည်။

 

          ထိုနည်းလမ်းအရ အက်စ်အိုအီးများသည် နိုင်ငံတော်ပိုင်အဖြစ် ဆက်ရှိနေမည်ဖြစ်ပြီး စီမံခန့်ခွဲမှုကို ကော်ပိုရေးရှင်းသို့ လွှဲပြောင်းပေးခြင်း ဖြစ်သည်။ ''ခပ်လွယ်လွယ်ပြောရရင် ဒီအက်စ်အိုအီးတွေကို ဘီအိုဒီလို့ခေါ်တဲ့ အုပ်ချုပ်မှုအဖွဲ့နဲ့ စီမံသွားဖို့ဖြစ်တယ်''ဟု ၄င်းက ပြောသည်။စီမံ/ဘဏ္ဍာဒုတိယဝန်ကြီး ဦးမောင်မောင်ဝင်းကမူ အက်စ်အိုအီးများပုဂ္ဂလိကသို့ လွှဲပြောင်းနိုင်ရေးအတွက် စံနမူနာစာချုပ် (Model Contract) များကို IFC , JICA တို့၏ အကူအညီများဖြင့် ရေးဆွဲထားသည်ဟု ပြောသည်။

 

Source : Myanmar Time

Published in Export & Import

          Walmart Inc သည် မက္ကဆီကို အစားအသောက် ပို့ဆောင်ရေးကုမ္ပဏီ Cornershop ကို အမေရိကန်ဒေါ်လာ ၂၂၅ သန်းဖြင့် ဝယ်ယူသွား

Published in Export & Import

မြန်မာ့ရင်းနှီးမြှုပ်နှံမှုကော်မရှင် (အမ်အိုင်စီ) သည် ကုန်စည်ပို့ဆောင် သိုလှောင်ရေးလုပ်ငန်းနှင့် ကုန်ထုတ်လုပ်မှုလုပ်ငန်းများ၌  ပြည်တွင်း ၊ ပြည်ပရင်းနှီးမြှုပ်နှံမှုများ  တိုးတက်ရန် ကြိုးပမ်းလျက်ရှိသည်ဟု ဒီအက်ဖ်ဒီအယ်လ်ဥပဒေအကျိုးဆောင်ကုမ္ပဏီက ပြောသည်။

Published in Export & Import

ကုန်သေတ္တာသယ်ယူပို့ဆောင်မှုလုံခြုံရေးတိုးမြှင့်ဆောင်ရွက်လာခြင်း

Published in Containers

ကုန်ပစ္စည်းပါ ကုန်သေတ္တာအများစုသည် ရောင်းသူ နှင့် ဝယ်သူအကြား ကူးသန်းရောင်းဝယ်ရေး သဘောတူညီချက်မှ စတင်နိုင်ပြီး

Published in Containers

           ၂၀၁၉ ခုနှစ်၊ ဖေဖေါ်ဝါရီလ ၁၄ ရက် (ကြာသပတေးနေ့)တွင် ကျင်းပပြုလုပ်ခဲ့သော ပြည်ထောင်စုအစိုးရအဖွဲ့ အစည်းအဝေးအမှတ်စဉ် (၃/၂၀၁၉)၏ သဘောတူညီချက်အရ ပို့ဆောင်ရေ:နှင့်ဆက်သွယ်ရေးဝန်ကြီးဌာန၏ ၂၀၁၉ ခုနှစ်၊ ဖေဖေါ်ဝါရီလ ၂၅ ရက်နေ့ ရက်စွဲပါ အမိန့်ကြော်ငြာစာအမှတ် (၄၉/၂၀၁၉)ဖြင့် ပြည်တွင်းရေကြောင်းပို့ဆောင်ရေးနည်းဥပဒေများကို ထုတ်ပြန်ပါသည်။

Published in Port News

ရန်ကုန်ဆိပ်ကမ်းသည် မြန်မာနိုင်ငံ၏အဓိကဆိပ်ကမ်းဖြစ်ပြီး သွင်းကုန်၊ ပို့ကုန် အားလုံး၏ ၉၀ ရာခိုင်နှုန်း အား ကိုင်တွယ်ဆောင်ရွက်ပေးနေသော ဆိပ်ကမ်းဖြစ်ပါသည်။

Published in Port News

          ၂၀၁၈ ခုနှစ်အတွင်း ကားတင်သင်္ဘော ၃၉ စင်း ဆိုက်ကပ်ခဲ့ပြီးကားအစီးရေ ၂၇,၀၀၀ ကျော် ကမ်းချခဲ့ကြောင်း

Published in Port News